სიმონ ბარდაველიძე

სიმონ გიორგის ძე ბარდაველიძე დაიბადა 1930 წლის 15 თებერვალს თერჯოლის რაიონის სოფელ ეწერში. 1947 წელს  დაამთავრა ბარდუბნის საშუალო სკოლა.

1949-1953 წლებში სწავლობდა ქუთაისის სახელმწიფო  პედაგოგიურ ინსტიტუტში ფიზიკა-მათემატიკის ფაკულტეტზე. 

1953 წლიდან 1967 წლამდე  მუშაობდა სოფელ ბარდუბნის საშუალო სკოლაში ფიზიკისა და მათემატიკის მასწავლებლად.

1967 წლიდან 1995 წლამდე მუშაობდა ქუთაისის 30_ე საშუალო სკოლაში მათემატიკის მასწავლებლად. ხოლო 1995წლიდან 2003 წლამდე ქუთაისის მე-19-ე საშუალო სკოლისა და ასევე მე-3 დაწყებითი სკოლის მათემატიკის მასწავლებლად.

გარდაიცვალა 2003 წელს. 

იყო უმაღლესი კატეგორიის პედაგოგი, ქალაქის წამყვანი სპეციალისტი მათემატიკაში, მუშაობდა მათემატიკის ინსპექტორად. რეგულარულად იწვევდნენ  ქუთაისის სახელმწიფო პოლიტექნიკური ინსტიტუტის მისაღები გამოცდების მათემატიკის საგნობრივი საგამოცდო კომისიის წევრად. 

წარმატებული  შრომითი და პედაგოგიური საქმიანობისთვის მიღებული ჰქონდა მადლობის სიგელები, როგორც საქართველოს, ასევე საკავშირო განათლების სამინისტროსაგან.