ქეთევან ხვედელიძე

ქეთევან სერევანდოს ასული ხვედელიძე, დაიბადა 1973 წლის 2 მაისს, ქ. ქუთაისში, პედაგოგების ოჯახში. 1979 წელს შევიდა ქ. ქუთაისის 30-ე საშუალო სკოლაში, რომელიც დაამთავრა 1990 წელს. იმავე წელს მისაღები გამოცდები ჩააბარა ქ. ქუთაისის აკ.წერეთლის სახელობის სახელმწიფო უნივერსიტეტში ევროპული ენებისა და ლიტერატურის ფაკულტეტზე, სპეციალობა- ფრანგული ენა და ლიტერატურა. 1995  წელს წარჩინებით დაამთავრა აწსუ და მიენიჭა ფილოლოგ-რომანისტისა და ფრანგული ენისა და ლიტერატურის მასწავლებლის კვალიფიკაცია. იმავე წელს, უნივერსიტეტის ლექტორ-მასწავლებელთა რეკომენდაციით, მუშაობა დაიწყო  აკ. წერეთლის სახელობის უნივერსიტეტის დასავლეთ ევროპის ენების კათედრაზე, ფრანგული ენის მოწვეულ მასწავლებლად. ამასთან ერთად ხელმძღვანელობდა სტუდენტთა კლუბსა და სამეცნიერო წრეს.  

1997-1998  წლებში ჩააბარა  საკანდიდატო მინიმუმით გათვალისწინებული მისაღები გამოცდები  თბილისის ი. გოგებაშვილის სახელობის პედაგოგიკურ მეცნიერებათა ეროვნულ ინსტიტუტში  და გახდა  საკანდიდატო ხარისხის მაძიებელი.                                                                                                                                                    

2005-2011 წლებში მუშაობდა  მასწავლებლად , აწსუ-ს გერმანული და ფრანგული ენების დეპარტამენტში.

2007 წლიდან უნივერსიტეტში მუშაობის პარალელურად მუშაობა  დაიწყო სსიპ ქალაქ ქუთაისის 30-ე საჯარო სკოლაში, ფრანგული ენის მასწავლებლად.  2011 წელს გახდა სერტიფიცირებული მასწავლებელი.

2013 წლის 25-26 ნოემბერს მონაწილეობა მიიღო   მასწავლებელთა პროფესიული განვითარების ეროვნული ცენტრის მიერ  უცხო ენების სწავლებლისადმი მიძღვნილ კონფერენციაში.

2014 წელს მონაწილეობდა  მასწავლებელთა პროფესიული განვითარების ეროვნული ცენტრის მიერ გამოცხადებულ კონკურსში და გაიარა 2 კვირიანი სტაჟირება საფრანგეთში,  ქალაქ ანტიბის საერთაშორისო ცენტრში.

2014 წლის სექტემბრიდან ჩაერთო  საქართველოში ფრანგული ენის სწავლების ხელშეწყობისა და განვითარების ფონდის  მიერ შექმნილ პროგრამაში.                                                                                 

2011 წლიდან დღემდე არის აწსუ-ს ენათა ცენტრის ფრანგული ენის მასწავლებელი. გამოქვეყნებული აქვს  სტატიები აწსუ-ს პროფესორ -მასწავლებელთა სამეცნიერო შრომების კრებულებში. სისტემატურად მონაწილეობს ფრანკოფონიის ფარგლებში ჩატარებულ სხვადასხვა ღონისძიებებში. ესწრება სემინარებს.  

2013 წლიდან ჩართულია   მასწავლებელთა პროფესიული განვითარების სქემაში.  ამჟამად არის უფროსი მასწავლებელი.                                              

არის ფრანგული ენის   გრამატიკის სახელმძღვანელოს (პრაქტიკული კურსი, მორფოლოგია) ავტორი.